٨٠ فەلەستینی تر لە هێرشەکانی رژێمی سەهیۆنی بۆ سەر غەززە شەهید بوون
13 oC
13 oC
Güneşli
13 oC
Güneşli
رژێمی سەهیۆنی بەردەوامە لە چڕکردنەوەی هێرشەکانی بۆ سەر کەرتی غەززە. لە ماوەی ٢٤ کاتژمێری رابردوودا لانیکەم ٨٠ فەلەستینی لە بۆردومانەکاندا شەهید بوون.
بەپێی ئەو زانیارییانەی لە وەزارەتی تەندروستی فەلەستین و سەرچاوە خۆجێییەکانەوە دەستکەوتوون، سوپای داگیرکەری سەهیۆنی تەقەی لە خەڵکی مەدەنی کردووە کە بۆ وەرگرتنی یارمەتییە مرۆییەکان لە نزیک ڕێڕەوی نەتزەریم لە باشووری غەززە کۆبوونەتەوە. لەم هێرشە دڕندانەیەدا کە بەرەبەیانی دوێنێ روویدا، ٥٧ فەلەستینی لە شوێنی رووداوەکە شەهید بوون و ٣٦٣ کەسیش بریندار بوون.
لە راگەیەندراوەکەی وەزارەتی تەندروستیدا هاتووە، "لە ٢٧ی ئایارەوە، ژمارەی شەهیدان لە خاڵەکانی دابەشکردنی هاوکارییە مرۆییەکان گەیشتووەتە ٢٢٤ کەس، هاوکات ژمارەی بریندارەکانیش گەیشتووەتە هەزار و ٨٥٨ کەس."
لە هێرشەکان بۆ سەر ئەو ناوچانەی خێمە کە خێزانە ئاوارەکان تێیدا نیشتەجێ بوون لە شاری خان یونس لە باشووری غەززە، ٧ فەلەستینی شەهید بوون. لەنێو شەهیداندا دوو منداڵ و ئافرەتێک هەبوون.
ئەم هێرشانە بە بەشێک لە سیاسەتی سیستماتیکی رژێمی سەهیۆنی لە هێشتنەوەی گەلی فەلەستین لە ژێر برسێتی، ترس و گەمارۆدان دادەنرێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
رەجەب تەیب ئەردۆغان، سەرۆک کۆماری تورکیا، لە بەیاننامەی خۆیدا سەبارەت بە هێرشی رژێمی سەهیۆنی بۆ سەر ئێران سەرلەبەیانی ئەمڕۆ، بە "ئیستفزازییەکی ئاشکرا" و "بازنەیی کە یاسا نێودەوڵەتییەکان پشتگوێ دەخات" وەسف کرد.
حەبیبوڵڵا سەیاری بە شێوەیەکی کاتی بۆ پۆستی فەرماندەی گشتی سەردار محەمەد باقری کە لە هێرشی رژێمی سەهیۆنیدا شەهید بوو و ئەحمەد وەحیدی بۆ پۆستی فەرماندەی سوپای پاسداران دەستنیشان کرا.
ئەبو عوبەیدە وتەبێژی کەتائیبی عیزەدین ئەلقەسام، باڵی سەربازیی بزووتنەوەی حەماس، هێرشی رژێمی سەهیۆنی بۆ سەر ئێران شەرمەزار کرد و وتی، "ئەم هێرشە لە ئەنجامی ڕاوەستانی ئێران لە تەنیشت گەلی فەلەستین و بەرخۆدانی شەرەفمەندانە."
ڕێپێوانی نێودەوڵەتی بۆ کردنەوەی دەروازەی سنووری ڕەفەح لە دژی جینۆسایدی رژێمی سەهیۆنی لە غەززە دەستی پێکرد لە میسر بەردەوامە. فاروق دینچ پەرلەمانتاری هودا پار، ئەردال ئەلیبویوک یاریدەدەری سەرۆکی گشتی وەقفی کاروانی ئومێد و مەلا عبدالقدوس یالچن یاریدەدەری سەرۆکی گشتی إتحاد العلماء بەشداری لە رێپێوانەکە دەکەن.
